summer holiday

今日咁熱我踩左成個鐘單車都唔中暑 好野

上水開左個間新野(開左好耐喇聽講)   去左試下

o係上水中心開心檸檬隔離再隔離   有人仔三四隻o係度等

間野d評價毀譽參半  不過可能我條"利"鈍鈍地  我覺得幾好飲 

前幾日睇到個專欄  應該係書展o個陣既事 。

" 大家不妨留意四周兒童，愛看書的孩子大多眼神專注，
有禮貌，就算天生智商一般，看書多了，起碼不會蠢，
頂多壞，壞和蠢是兩回事。"  - 節錄

我好明顯係有禮貌o個堆啦   不過而家d細路仔真係無乜睇書

唔計得 d 肉無字o個d書啦  佢地又點會比幾個小時坐定定咁睇完一半書?

用d時間上網打機升呢 好過

我因為想體驗下我d學生既生活 (真的!!)  download 隻跑online黎玩

頭一個鐘都幾好玩 但係來來去去都係o個d地圖  開始有d厭

但係無可否認   玩online game 係幾容易識到女仔(定係呢個先係online game 真正玩法?)

有個 5 年級既學生話佢網上面有七個男朋友

唔知佢係咪同人傾過計就話係bf   但係可以肯定既係...

以佢既外貌都識到七個bf   我絕對唔敢o係網上亂識人 !!

話題扯遠左 tim

其實無話一定要睇d咩古典名著  文學作品先係有益既

就算你真係十三歲  唔識字  買本周瘦娜寫真集一樣學到野嫁

起碼培養到你儲蓄既習慣啦  儲幾個月錢唔用黎買d對戰card你估易嫁

要買埋個攬枕隨時媽咪面都無得食呀

又有一點我又覺得好奇怪

就係點解個攬枕印多左個人既print d 人又話意淫呢

係咪你諗多左以為其他人都會有你o個種另類用法呢 ?

我隻小腿無任何挑起性欲既圖案嫁  但係我隻狗咪又會日日用力搖擺佢既下肢

如果隻狗公係咸濕既  就咩野都可以咸濕嫁啦

引用一句富有哲理又充滿禪機 既說話 :  係你個心淫 !!

嗯  又扯遠左

總之  睇書真係一種好好既娛樂 

下次搭火車既時候  不妨試下拎本書出黎  仔細閱讀

不時抬頭 扮若有所思地望向遠方   比你合埋眼扮訓覺有型得多

(Objection !! 我真係睇書嫁 !!)